immikkut aaqqiissutissanik ineriartortitsineq

Ilaannikkut sullitatta pisariaqartai matussusissallugit naliginnaasumik aaqqiissutit naammanneq ajorput. Taamaattumik inu:it-immikkut ineriartortitsivimmik immikkoortortaqarfeqarpugut. Taannalu ullormi siullermiilli pigisimavarput. Taamaattumillu ukiut 20-it sinnerlugit misilittagaqarluta. Suliat pisortat ataanni suliffeqarfinnut, ilinniarfeqarfinnut, aammalu inuutissarsiornermi namminersortunut suliaqartarsimavugut kiisalu ikiuinerit siunnersuinertallit, ilusilersuinertallit aammalu suliani minnerusuni annerusunilu kiffartuussivigissallugit sungiusimallutigu.

Ineriartortitsinermi siunnersortigut tamarmik anguniakkat pingasut tunaartaralugit sulipput:

• Sullitatta pisariaqartitaa ilisimassavarput
• Sullitamut periarfissat eqqumaffigissavagut
• Ingerlaaseq tamatigut avitseqatigiiffiussaaq

Ineriartortsinermi suliap aallartitarnerani pitsaasumik piareersaqqaarnissaq alloriarfik siulliuvoq. Illuatungeriit tamarmik suut suliassaanerinik ilisimanninnissaa pingaaruteqarpoq. Sullitaq peqataatittarparput, taamaasilluta ataatsimut ineriartortitsinermi suliniummut periarfissat takusinnaajumallugit. Arlaleria sullitatta isumaq ataasiinnaq aalajangiusimaffigigaa takusareerparput, taamaasillutalu ukiuni arlaqartuni misilittakkagut atorlugit sullitatta periarfissat allat takusinnaalernissaanut ikiuuttarluta: tassa aaqqiissutigut tamatigungajak sullitamut iluaqutissiillutik naatsorsuutigisaminniit pitsaanerusunik ulluinnarni sakkussaqarluarnerullutik sulisinnaalernissaat aaqqiissutigalugu.

Avitseqatigiiffiusumik ingerlaatsip ineriartorfiusumik ingerlariaqqinnissamut suliniutitta inissaqartinneqarnerulernissaat pilersittarpaa. Misilittakkagut najoqqutaralugit sullitagut avitseqatigiiffiusumik suliffeqarfiusut ineriartorusuttut ilisimavarput. Taamaattumik immikkut aaqqiissutitta nutarsartuarnissaat pingaartittuuarput, sullitatta ineriartornerannut piffissaasumilu pisariarqartitaannut naleqqussinnaatikkumallugit.